اسلام آباد(نمائندہ خصوصی) وفاقی وزیر برائے منصوبہ بندی احسن اقبال نے کہا کہ عالمی جغرافیائی سیاست میں بیلٹ اینڈ روڈ انیشیٹو کے خلاف منفی  پروپیگنڈا بنا کر جھوٹی خبریں چلائی گئیں‘ ان خیالات کا اظہار وفاقی وزیر نے عالمی نشریاتی ادارے کے نمائندے سے خصوصی گفتگو کرتے ہوئے کیا۔ وفاقی وزیر کا کہنا تھا کہ جہاں بھی بی آر آئی گئی ہے، وہاں کے مقامی لوگ گواہی دے سکتے ہیں کہ اس کے بہت مثبت اثرات مرتب ہوئے ہیں۔ منصوبے کی اہمیت کا حوالہ دیتے ہوئے  وفاقی وزیر نے انٹرویو میں مزید کہا کہ گوادر پورٹ سٹی خطے میں ایک بڑا تجارتی اور تجارتی مرکز بننے کے لیے تیار ہے جبکہ  فری زون اور چینی کمپنیوں کی سرمایہ کاری کے ساتھ، گوادر زون میں نمایاں سرگرمیاں جاری ہیں۔ وزیر منصوبہ بندی نے مزید کہا کہ گوادر سی پیک کی مشرق وسطیٰ، افریقہ اور یورپ تک توسیع ہے، یہ مستقبل کی بندرگاہ ہے۔گوادر کے سٹریٹجک محل وقوع اور تجارت کے امکانات کی اہمیت پر روشنی ڈالتے ہوئے وزیر نے کہا کہ گوادر کے ذریعے بحیرہ جنوبی چین سے تقریباً ایک دسواں فاصلہ پر سامان چین بھیجا جا سکتا ہے۔