گھوٹکی (این این آئی) تھانہ گیمبڑو کی حدود میں واقعہ پولیس چوکی پر ڈاکوئوں نے حملہ کر کے دو پولیس اہلکاروں کو شہید اور ایک کو زخمی کردیا اور پھر فرار ہوگئے۔ پولیس کے مطابق گھوٹکی کے نواحی علاقے تھانہ گیمبڑو کی چوکی پنج میل پر رات کی تاریکی میں ڈاکوؤں کے ایک گروہ نے حملہ کردیا اور فائرنگ سے دو پولیس اہلکار علی گوہر دایو اور اشوک کمار کو شہید کردیا۔ جبکہ ایک اہلکار عزیز میرانی فائرنگ سے زخمی ہوگیا جسے ہسپتال منتقل کردیا گیا ہے۔ ڈی آئی جی سکھر جاوید جسکانی نے واقعہ کی تصدیق کرتے ہوئے بتایا کہ ڈاکوؤں کا تعاقب جاری ہے۔ زخمی سپاہی کا کہنا ہے کہ ان کے حوصلے بلند ہیں۔