لاہور(سپورٹس رپورٹر)سابق کپتان یونس خان نے کہا ہے کہ میں نے ہمیشہ ملک اور قوم کی خدمت کو سب سے زیادہ اہمیت دی ہے، پاکستان کرکٹ کی بہتری اور بھلائی کیلئے خدمات پیش کرنے کو تیار ہوں۔انہوںنے گورنرسندھ سے ملاقات کی۔یونس خان نے کہا کہ میں نے کرکٹ کے میدان میں ملک کیلئے خدمات انجام دیں، اب بھی نئے ٹیلنٹ کو سامنے لانے کیلئے اپنا بھرپور کردار ادا کرنے کیلئے تیار ہوں، سندھ میں کرکٹ کے فروغ کیلئے جامع منصوبہ بندی کی جائے تو بھرپور تعاون کروں گا۔گورنر سندھ نے کہا کہ یونس خان جیسے لیجنڈ کرکٹر کے تجربہ سے بھرپور فائدہ اٹھانا چاہتے ہیں،کراچی میں کرکٹ کا بے پناہ ٹیلنٹ ہے،نوجوان کرکٹرز کے ٹیلنٹ کو اجا گر کرنے کی ضرورت ہے۔