پتوکی؍ سرگودھا (نامہ نگار+ نمائندہ خصوصی) مختلف حادثات میں 6 افراد جاں بحق ہوگئے۔ تفصیلات کے مطابق  ہلہ بائی پاس پر ہارویسٹر مشین نے روڈ کراس کرتے ہوئے بے قابو ہو کر رکشہ کو ٹکر مار دی  جس سے عید کی خوشیاں گھر منانے کے لئے لاہور سے دیپالپور جاتے ہوئے رکشہ میں سوار ایک ہی خاندان کے تین افراد جاں بحق اور 4افراد زخمی ہو گئے۔ جاں بحق ہونے والوں کی شناخت ندا بی بی، عبدالرحیم، محمد اویس کے نام سے ہوئی جبکہ زخمی بچی کی شناخت 12سالہ ثناء کے نام سے ہوئی۔ سرگودھا جھنگ روڈ کے قصبہ ساہیوال کے تاجر ملک احتشام آصف واہگہ کار ڈرائیور اور اپنے5ساتھیوں کے ہمراہ کار میں سوار ہو کر خوشاب جا رہے تھے کہ نامیوالی پھاٹک کے قریب سامنے سے آنے والے تیز رفتار ٹرک نے ٹکر  مار دی۔ کار میں سوار دوستوں میں تین افراد ملک احتشام، آصف واہگہ اس کا کزن ملک محمد ارشد، دوست مرزا ذیشان  موقع پر جاں بحق اور تین افراد علی خان بلوچ، غلام مصطفی اور زین عباس شدید زخمی ہوگئے۔