لاہور + گوجرانوالہ (نامہ نگار + نمائندہ خصوصی) پیپلز پارٹی کے چیئرمین بلاول بھٹو زرداری نے6رکنی ٹکٹ ریویو کمیٹی قائم کر دی ہے جو پنجاب میں ہونے والے انتخابات میں امیدواروں کو جاری کیے گئے ٹکٹس کے معاملات کا جائزہ لے گی۔ 6رکنی کمیٹی میں سید یوسف رضا گیلانی، سید نیئر حسین بخاری ، مخدوم احمد محمود، قمر زمان کائرہ، رانا فاروق سعید اور سید حسن مرتضی شامل ہیں۔ علاوہ ازیں تحریک انصاف کے چیئرمین عمران خان کی ہدایت پر پارٹی ٹکٹوں کی تقسیم کے از سرنو جائزہ اور اپیلوں پر غور کےلئے سنٹرل پنجاب میں سینیٹر اعجاز احمد چوہدری کی سربراہی میں کمیٹی قائم کر دی گئی ہے۔ اعجاز احمد چوہدری کی سربراہی میں قائم کمیٹی میں لاہور ڈویژن سے عامر گجر اور گوجرانوالہ سے ڈاکٹر سجاد محمود کو بطور کمیٹی ممبران منتخب کیا گیا ہے جبکہ میجر (ر) ظفر اللہ چٹھہ بطورسیکرٹری کمیٹی خدمات انجام دیں گے۔
پنجاب الیکشن کمیٹیاں