لاہور (نامہ نگار)لاہور پولیس نے عید الفطر پر ہوائی فائرنگ،ون ویلنگ اور اسلحہ کی نمائش کرنے والوں کے خلاف سخت ایکشن لیتے ہوئے شہر کے مختلف علاقوں سے ون ویلنگ کے جرم میں 127 ون ویلرز کو گرفتار کرکے مقدمات درج کر لئے ہیں۔اسی طرح عید الفطر پر ہوائی فائرنگ اوراسلحہ کی نمائش کرنے والے 52 ملزمان گرفتار کرکے مقدمات کر لئے گئے ہیں۔عید الفطر پر پتنگ بازی ایکٹ کی خلاف ورزی پر 74 مقدمات درج کرکے 80 پتنگ باز گرفتار کئے گئے۔سی سی پی او لاہور ایڈیشنل آئی جی بلال صدیق کمیانہ کے مطابق رواں سال ہوائی فائرنگ میں ملوث افراد کے خلاف381 ملزمان گرفتار جبکہ ون ویلنگ کے جرم میں 1072 ملزمان گرفتار کئے گئے۔اسی طرح رواں سال پتنگ بازی ایکٹ کی خلافِ ورزی پر 2933 ملزمان کی گرفتاری عمل میں لائی گئی۔سی سی پی او نے ہدایت کی ہے کہ ہوائی فائرنگ، ون ویلنگ کرنے والوں کے خلاف کریک ڈا6ن میں تیزی لائی جائے۔عید الفطر تعطیلات میں ون ویلنگ، ہوائی فائرنگ کے خلاف خصوصی ٹیمیں تشکیل دی گئی ہیں۔ہوائی فائرنگ،ون ویلنگ اور اسلحہ کی نمائش اور پتنگ بازی کرنے والوں کو قانون کے کٹہرے میں لایا جائے گا۔