گوجرانوالہ (نمائندہ خصوصی )بزمِ بھائی چارہ ٹرسٹ تلونڈی موسی خان گوجرانولہ کے زیر انتظام اپنی پچھلی روایت کو برقرار رکھتے ہوئے ”عیدملن مشاعرے“ کا انعقاد کیاگیا جس میں مقامی شعراءکرام کے ساتھ ساتھ بہت سے مہمان شعراءنے بھی شرکت کی، شعراءنے اپنے خوبصورت کلام سنا کر حاضرین محفل سے خوب داد سمیٹی، مشاعرہ میں شرکت کرنےوالوں میں سیف اللہ سیفی، ریاض راہی ،اسحاق شاہد، مسعود احمد ذوق، عارف نوری، افتخار الحسن افتخار، شہزاد احمد سحر، عقیل مغل، رباص طاہر اور حاجی مشتاق احمد تھے محفل کے اختتام پر صدر بزمِ بھائی چارہ ٹرسٹ تلونڈی موسی خان گوجرانولہ سیف اللہ کھو کھر نے حاظرین محفل شعرا اور اہل ادب احباب کو عید کی مبارکباد دی اور شکریہ اداکرتے ہوئے کہا بزمِ بھائی چارہ ٹرسٹ ایک ادبی اور فلاحی تنظیم ہے جس کا مقصد نوجوانوں میں بیداری پیدا کرنا معاشرے میں علم وادب کا فروغ اور نئے لکھنے والوں کی حوصلہ افزائی کرنا ہے۔