جیکب آباد‘ گھوٹکی (نوائے وقت رپورٹ+ این این آئی) جیکب آباد کے علاقے تھانہ مولا داد کی حدود میں پولیس مقابلے میں 6 اہلکار شہید ہوگئے۔ ایس ایس پی سمیر چنا کے مطابق بلوچستان پولیس نے ڈاکوو¿ں کا تعاقب کیا تو ڈاکو فرار ہو کر جیکب آباد کی حدود میں داخل ہو گئے اور انہوں نے ڈیوٹی پر تعینات پولیس اہلکاروں پر فائرنگ کردی جس کے نتیجے میں 3 اہلکار موقع پر ہی شہید ہو گئے جبکہ 3 اہلکاروں نے دوران علاج دم توڑا۔ شہید ہونے والے اہلکاروں میں انسپکٹر طیب عمرانی، نثار، خادم حسین، ریاض حسین اور وہاب شامل ہیں۔ گھوٹکی میں قادرپور لنک روڈ پر پولیس مقابلے میں 5 ڈاکو مارے گئے۔ پولیس کے مطابق اسلحہ برآمد کرکے نعشیں ہسپتال منتقل کردی گئیں۔
گھوٹکی پولیس مقابلہ