بہاول پور؍ لاہور (نامہ نگار+ نیوز رپورٹر) گرلز کالج روڈ ریاض کالونی میں گرلز ہاسٹل کی چھت گرنے سے2 طالبات جاں بحق‘ 2زخمی ہو گئیں۔ طالبات کا تعلق چشتیاں‘ ڈہرانوالہ ضلع بہاولنگر سے تھا۔ پانی کی بوسیدہ ٹینکی چھت پرگرنے سے حادثہ ہوا۔ حسنین گرلز ہاسٹل کی چھت گرنے سے دو طالبات شہلہ منور عمر 21 سال  اور ماجدہ اقبال عمر 21 سال جاں بحق ہو گئیں۔ جبکہ فائزہ عمر 19 سال اور عائشہ نواز عمر17 شدید زخمی ہوگئی جن کو فوری طور پر بی وی ایچ ہسپتال منتقل کر دیا گیا۔ سول لائنز پولیس نے ہاسٹل مالک سمیت اس واقعہ کے ذمہ داران کے خلاف قانونی کارروائی کا آغاز کر دیا ہے۔