لاہور (کامرس رپورٹر) وائس چانسلریونیورسٹی آف سرگودھا پروفیسر ڈاکٹر قیصر عباس ہمسایہ ملک چین کے دورے کے بعد وطن واپس آگئے۔ اس دورہ میں پاکستان بھر کی مختلف جامعات کے وائس چانسلر، اساتذہ اور ماہرین تعلیم بھی شامل تھے۔ د تیان شوئی نارمل یونیوسٹی کے ساتھ باہمی تعاون کے ارادے کے خط پر بھی دستخط کیے۔ وائس چانسلر پروفیسر ڈاکٹر قیصر عباس نے یونیورسٹی الائنس آف دی بیلٹ اینڈروڈ 2023 کے فورم میں شرکت کی جہاں عالمی موسمیاتی تبدیلی اور ماحولیاتی تحفظ اور یونیورسٹیوں کی پائیدار ترقی کیلئے اعلیٰ معیاری تعاون کے موضوعات پراظہار خیال کرنے اور تجربات کا اشتراک کرنے کیلئے دنیا بھر کی مختلف یونیورسٹیوں کے مندوبین موجود تھے۔