شاہدرہ ٹاؤن میں مبینہ پولیس مقابلہ، 2 ڈاکو ہلاک
لاہور (نامہ نگار) شاہدرہ ٹاؤن سی آئی اے شاہدرہ پولیس اور ڈاکوؤں کے درمیان فائرنگ کے تبادلے کے نتیجے میں دو ڈاکو فیضان عرف جگا اور علی رضا ہلاک ہو گئے ہیں۔ پولیس کے مطابق سی آئی اے شاہدرہ پولیس ٹیم نے ملزمان کی گرفتاری کے لیے ناکہ بندی کی تو ملزمان نے گرفتاری سے بچنے کے لیے پولیس کو دیکھتے ہی فائرنگ کردی۔ فائرنگ کی زد میں آ کر اشتہاری شوٹر فیضان عرف جگا اور ڈکیت گینگ کا سرغنہ علی رضا اپنے ہی ساتھیوں کی فائرنگ سے ہلاک ہو گیا ملزمان کے ساتھی اندھیرے کا فائدہ اٹھاتے ہوئے فرار ہو گئے۔ ساتھیوں کی گرفتاری کیلئے سرچ آپریشن کیا جارہا ہے۔
