لاہور(لیڈی رپورٹر)مسلم لیگ (ن) ڈسڑکٹ لاہور کی یوتھ کوآرڈینیٹر حناپرویز بٹ نے کہا ہے کہ عمران خان کرسی کے حصول میں ہر حربہ استعمال کرنے کی کوششوں میں لگے ہیں ۔45ماہ وزیر اعظم رہ کر قوم کو کیا دیا جو دوبارہ خواب دیکھ رہے ہیں؟۔ قوم بار بار عمران خان جیسے تجربات کی متحمل نہیں ہوسکتی۔ قوم کو جھوٹے نعرے اور دعووں سے بیوقوف بنانا بند کریں۔ میاں نوازشریف کے دور حکومت میں پاکستان ترقی کی نئی منازل طے کررہا تھا لیکن اچانک بابا رحمتے اور کھوسہ کو پاناما میں اقامہ مل گیا اور پاکستان کو بریک لگ گئی۔