لاہور ( سپورٹس رپورٹر) پاکستان کرکٹ ٹیم کے فاسٹ بائولر شاہین شاہ آفریدی نے کہا ہے کہ اس بار انشا اللہ ورلڈ کپ اور ایشیا کپ جیتیں گے۔ انجری ہونا کسی بھی سپورٹس میں کے کیریئر کا حصہ ہے، مشین بھی کبھی کبھار خراب ہو جاتی ہے۔انجری میں گزارا وقت کافی مشکل تھا، امید ہے کہ پاکستان کیلئے پرفارمنس کا سلسلہ جاری رکھوں گا۔ کوشش ہوتی ہے ہمیشہ ٹیم کیلئے اپنا بہترین دوں، پہلا اوور ہو، دوسرا ہو یا آخری، میرا کام حریف پر وار کرنا ہے، ورلڈ کپ سے قبل ون ڈے میچز ہمارے لئے کافی اہم ہیں۔پاکستان کو فائنل جتوانے کی کوشش کریں گے۔ بھارت میں کنڈیشنز ہمارے لیے زیادہ مختلف نہیں ہوں گی، امید ہے وہاں کی کنڈیشنز کا فائدہ اٹھانے کی کوشش کریں گے۔