اسلام آباد (نمائندہ خصوصی) سابق صدر آصف علی زرداری نے سندھ بلدیاتی انتخابات میں کامیابی پر جیالوں کو مبارکباد دی ہے۔ آصف زرداری نے کہا کہ پیپلزپارٹی کی جیت کارکنوں کی بہترین خدمات کا نتیجہ ہے۔ کراچی کے جیالوں نے شاندار کارکردگی دکھائی۔ جیالے تیاری کریں مستقبل جیالوں کا ہے۔ پیپلزپارٹی کے کارکن بلاول بھٹو کی طاقت ہیں۔ ہم بھرپور تیاری سے انتخابات لڑیں گے۔ بلاول بھٹو نے بطور وزیر خارجہ اپنی صلاحیتوں کو منوایا ہے۔ وہ اپنی والدہ کی طرح چاروں صوبوں کی زنجیر ہیں۔ دھمکیوں کے باوجود بلاول بھٹو زرداری بھارت گئے۔