لاہور (نامہ نگار) ڈاکوؤں اور چوروں نے  وارداتوں کے دوران متعدد شہریوں سے لاکھوں روپے طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ تفصیلات کے مطابق ڈاکوؤں نے اسلام پورہ میں صغیر سے 19لاکھ 60ہزار، ستوکتلہ میں گھریلو ملازمہ ماریہ اپنے دو ساتھیوں کے ساتھ مل کر اشرف کے گھر سے 8لاکھ 10ہزار کے  زیورات اور نقدی، ڈیفنس سی میں حبیب کے گھر سے 3لاکھ 60 ہزار اور زیورات، رائیونڈ سٹی میں عبداللہ عمران اور اس کے دوست سے اویس سے 15 ہزار روپے اور موٹر سائیکل، گارڈن ٹاؤن  میں سلیم سے ڈھائی لاکھ موبائل فون، گلشن راوی میں اشرف سے ڈیڑھ لاکھ، لاری اڈہ میں سے اختر سے ایک لاکھ  اور موبائل فون، راوی روڈ میں اقبال سے 77 ہزار اور موبائل فون، شفیق آبادمیں ادریس کی دکان سے 13 ہزار اور موبائل فون، سبزہ زار میں اکبر سے 5 ہزار اور موبائل فون لوٹ لیا۔ غازی آباد  میں حمزہ لیاقت کی فیکٹری سے  15لاکھ  کی مشینری چوری۔ جوہر ٹاؤن، غالب مارکیٹ، ہربنس پورہ اور ساندہ میں سے 4 کاریں جبکہ ماڈل ٹاؤن، چوہنگ، نواب ٹاؤن، مانگا منڈی، لٹن روڈ، نولکھا، اسلام پورہ، شاہدرہ ٹاؤن اور لوئر مال  میں سے 9موٹر سائیکلیں چوری ہو گئیں۔