قومی باسکٹ بال ٹیم کے25کھلاڑیوں کا تربیتی کیمپ شروع
لاہور(سپورٹس رپورٹر)پاکستان باسکٹ بال فیڈریشن نے قومی باسکٹ بال ٹیم کا تربیتی کیمپ کا آغاز کر دیا، پاکستان باسکٹ بال فیڈریشن کے ایسوسی ایٹ سیکرٹری اوج ظہور کے مطابق فیڈریشن نے ٹرائلز کے ذریعے ملک بھر سے 25 کھلاڑیوں کو تربیتی کیمپ کیلے منتخب کرکے قومی باسکٹ بال ٹیم کا تربیتی کیمپ لگایا تھا جو امن و امان کی صورتحال کے پیش نظر عارضی طور پر بند کر دیا تھا ۔ تربیتی کیمپ میں ہیڈ کوچ ریاض ملک کی نگرانی میں کھلاڑیوں کی فٹنس اور تکینک کو بہتر بنایا جائیگا جبکہ فیڈریشن کی کوشش ہے کہ انٹرنیشنل سطح پر بھی پاکستان کی شرکت کو یقینی بنایا جائے۔
