اسلام آباد(آئی این پی)پاکستان وہیل چیئر کرکٹ ایشیا کپ کی میزبانی نیپال میں کریگا۔ترجمان پاکستان وہیل چیئرکرکٹ کونسل نے کہا کہ جولائی میں ایشیا کپ نیپال میں کرانے کا فیصلہ کیا ہے،کھٹمنڈو کی دو گرائونڈز پرمیچز11جولائی سے شروع ہوں گے،غیرملکی ٹیموں کے این او سی کے معاملات کی وجہ سے نیپال میں ایونٹ کرانے کا فیصلہ کیا گیا۔ ایشیا کپ میں پاکستان اور بھارت سمیت چھ ٹیمیں شریک ہوں گی،نیپال ‘بنگلہ دیش سری لنکا اور افغانستان بھی ایونٹ میں شامل ہیں،ایشیا کپ کی تیاری کیلئے پاکستان وہیل چیئر کرکٹ ٹیم کا کیمپ آئندہ ہفتے شروع ہو گا،جون میں پاکستان افغانستان وہیل چیئرکرکٹ ٹیم کی میزبانی کریگا۔