حافظ آباد (نمائندہ نوائے وقت) حافظ آباد شہر میں گرمی شروع ہوتے ہی گیپکو کی جانب سے بجلی کی طویل غیر اعلانیہ لوڈشیڈنگ پر شہری سراپا احتجاج بن گئے۔ شہریوں نے بجلی کی مرمت اور پرمٹ کے نام پر کئی کئی گھنٹے بندش پر شدید احتجاج کرتے ہوئے کہا کہ ایک طرف بجلی کے بلوں میں ہزاروں روپے کے اضافہ نے انہیں پریشان کررکھا ہے تو دوسری جانب گرمی شروع ہوتے ہی کئی کئی گھنٹے بجلی کی بندش نے ان کی زندگی کو اجیرن کر دیا ہے۔ جس سے وہ حکمرانوںکو کوس رہے ہیں۔ انہوں نے وفاقی وزیر پانی وبجلی اور دیگر ارباب اختیار سے مطالبہ کیا کہ بجلی کی غیر اعلانیہ لوڈشیڈنگ کو فوری نوٹس لیکر اسے ختم کروایا جائے۔