لاہور(نیوز رپورٹر)چیف ایگزیکٹو افسر پاکستان ریلوے ارشد سلام خٹک کو عہدہ سنبھالنے پر ان کی مادر علمی برن ہال کالج ایبٹ آباد میں مدعو کیا گیا جہاں ان کا بھر پور استقبال کیا گیا۔ ارشد سلام نے برن ہال کالج میں 1969 میں داخلہ لیا اور ایف ایس سی پری انجینئرنگ کا امتحان اعزازی نمبروں سے پاس کر کے وہاں سے پاس آو¿ٹ ہوئے۔ چیف ایگزیکٹو افسر پاکستان ریلوے کو برن ہال کالج میں خطاب کیلئے بھی دعوت دی گئی۔ طلباءسے مخاطب ہوتے ہوئے ارشد سلام خٹک نے کہا کہ تحقیق کے میدان میں محنت کر کے طلباءپاکستان کو دنیا میں منفرد مقام دلوا سکتے ہیں۔ انہوں نے کہا کہ محنت، ڈسپلن اور کردار ایک اعلیٰ شخصیت کی تکمیل میں ممد و معان ثابت ہوتے ہیں، ہمارے طلباءکو کسی بھی صورت حال میں محنت کا دامن نہیں چھوڑنا چاہیے۔ بعد ازاں سی ای او نے تقریری مقابلہ میں حصہ لینے والے نمایاں مقررین میں انعامات تقسیم کیے۔ انہیں پرنسپل برن ہال کالج کی جانب سے شیلڈ بھی دی گئی۔