چین میں گاڑی کھائی میں گرنے سے 11 افراد ہلاک‘3 زخمی
بیجنگ(اے پی پی)چین میں گاڑی گہری کھائی میں گرنے کے نتیجے میں 11 افراد ہلاک ہوگئے ۔ جینگسی شہر کے پولیس ترجمان نے بتایا حادثہ اس وقت پیش آیا جب گاڑی دیہاتی علاقے میں سڑ ک پر پھسل کر کھائی میں جا گری ۔انہوں نے بتایا کہ اس حادثے میں 3افراد زخمی ہوئے ہیں جنہیں ابتدائی طبعی امداد دے کر قریبی ہسپتال منتقل کر دیا گیا ہے۔انہوں نے مزید بتایا کہ فی الحال امدادی کارروائیاں جاری ہیں اور حادثے کی وجوہات جاننے کے لیے تحقیقات کا آغاز کر دیا گیا ہے۔
