قصور (نمائندہ نوائے وقت) چونیاں کے علاقے رانا ٹاو¿ن میں ایک گھر میں شارٹ سرکٹ سے آگ لگنے سے ایک بچہ جاں بحق ہوگیا جبکہ دو بچوں سمیت تین افراد جھلس کر زخمی ہوگئے۔ رانا ٹاو¿ن چونیاں میں محمد یاسین اور اس کے بچے دو الگ الگ کمروں میں سوئے ہوئے تھے کہ اچانک شارٹ سرکٹ سے بچوں کے کمرے میں آگ بھڑک اٹھی، محمد یسین بھی افراتفری میں بچوں کے کمرے کی طرف گیا اور خود بھی آگ کی زد میں آکر جھلس کر زخمی ہوگیا۔ شدید جھلسنے کی وجہ سے 8سالہ محمد ازان موقع پر ہی دم توڑ گیا جبکہ 4سالہ افضال، 12سالہ ادیبہ اور ان کا والد یٰسین آگ کی لپیٹ میں آکر جھلس کر شدید زخمی ہوگئے۔ زخمیوں کو علاج کے لیے جناح ہسپتال لاہور منتقل کر دیا گیا ہے۔
بچہ جاں بحق