سری نگر(کے پی آئی) مقبوضہ جموں و کشمیر کے ضلع کشتواڑ میں ایک در خت خانہ بدوش خاندان کے خیمہ پر گر گیا جس کے نتیجے میں3 خواتین سمیت 4 افراد جاں بحق ہوگئے۔ تیز بارش اور طوفانی ہواوں کی وجہ سے کشتواڑ شہر سے 50 کلومیٹر دور کیشوان بھلنا علاقے میں ایک درخت خانہ بدوش کے خیمہ پر گر گیا، جس کے سبب ایک ہی کنبہ کے چار افراد نذیر احمد ولد چٹو، ان کی اہلیہ نثارہ بیگم، میمو نہ بیگم ولد محمد شریف اور شمع بیگم ولد کالو کی موت ہوگئی۔ بتایا جارہا ہے کہ متاثرہ کنبہ اپنی بھیڑ بکریوں کے ساتھ دچن کی طرف گامزن تھا، تاہم علاقہ میں تیز بارش اور ہواوں کی وجہ سے وہ مذکورہ علاقہ میں ہی خیمہ زن ہوگیا تھا۔
کشمیر حادثہ