سکھ کمیونٹی کی طرف سے پاک فوج کے ساتھ اظہار یکجہتی کے لیے نارووال میں ریلی
نارووال( این این آئی)نارووال میں مقیم سکھ کمیونٹی کی طرف سے پاک فوج کے ساتھ اظہار یکجہتی کے لیے ریلی کا انعقاد کیا گیا۔جس میں سکھ کمیونٹی کے علاہ دیگر شعبہ ہائے زندگی سے تعلق رکھنے والے عوام کی کثیر تعداد نے شرکت کی۔ ریلی رنسیوال پھاٹک سے لے کر جسڑ بائی پاس تک نکالی گئی۔ ،شرکا نے پاک فوج کے حق میں بینرز اور پلے کارڈ اٹھا رکھے تھے جن پر پاک فوج سے اظہار یک جہتی کے نعرے درج تھے۔ریلی کی قیادت سابق لیگی ایم پی اے سکھ رہنما سردار ر میش سنگھ اروڑا نے کی ۔ریلی کے شرکا کے پاک فوج، آرمی چیف زندہ باد کے نعرے لگا رہے تھے پاک فوج ہمارے ماتھے کا جھومر ہے تمام کمیونٹی سکھ، ہندو مسیحی دیگر کا اکٹھے ہونے کا،مقصد پاک فوج سے اظہار یکجہتی ہے۔
نارروال ریلی
