ڈیرہ اسماعیل خان،فورسز قافلے کے قریب دھماکا‘ 23 اہلکار زخمی
پشاور(این این آئی)ڈیرہ اسماعیل خان میں سکیورٹی فورسز کے قافلے کے قریب ہونے والے دھماکے میں 23اہلکار زخمی ہوگئے۔ڈیرہ اسماعیل خان میں ٹانک روڈ پر چہکان کے قریب سیکیورٹی فورسز کے قافلے کو دھماکے میں نشانہ بنایا گیاجس کے نتیجے میں23اہلکار زخمی ہوگئے۔جن میں سے 2اہلکاروں کی حالت تشویشناک ہے جبکہ زخمیوں کو سی ایم ایچ منتقل کر دیا گیا ۔سیکیورٹی فورسز کی گاڑیوں کا قافلہ ڈیرہ اسماعیل خان سے منزہ جنوبی وزیرستان جارہا تھا،دھماکا خیز مواد موٹر سائیکل پر رکھا گیا تھا۔علاقے کو سیکورٹی فورسز نے علاقے کو گھیرے میں لے کر سرچ آپریشن شروع کردیا ہے۔
