گوجرانوالہ‘ گجرات (نمائندہ خصوصی+ نامہ نگار) طویل لوڈشیڈنگ سے شہریوں کی زندگی اجیرن‘ گیپکو کی طرف سے گوجرانوالہ شہرکے مختلف علاقوں پیپلزکالونی‘سیٹلائٹ ٹائون‘ماڈل ٹائون‘نوشہرہ روڈ ‘حافظ آبادروڈ‘ جناح روڈ اور دیگر علاقوںمیں گیپکو کی طرف سے 24گھنٹوں میں 5سے 6گھنٹوں کی غیراعلانیہ لوڈشیڈنگ کا سلسلہ جاری ہے جبکہ پیپلزکالونی‘سیٹلائٹ ٹائون سمیت متعدد فیڈرز پر ٹرپنگ کی شکایات بھی عام ہیں جس کی وجہ سے شہریوں کا قیمتی سامان الیکٹرانکس دائو پر لگا ہوا ہے۔ شہریوں کا شدید احتجاج‘ فراہمی کا مطالبہ کیا ہے۔ گجرات میں بجلی کی طویل تین لوڈشیڈنگ سرگودھا روڈ، فیروز آباد، حیات پورہ، بھنڈاری سٹریٹ کے بجلی کے ستائے مکینوں نے گیپکو دفتر کا گھیرائو کر لیا اور واپڈا ملازمین سے بجلی کی غیر اعلانیہ لوڈشیڈنگ پر باز پرس بھی کی جس پر واپڈا ملازمین نے حالات کی نزاکت کو دیکھتے ہوئے پولیس کی نفری طلب کر لی۔