نیو دہلی  (نیٹ نیوز) بھارتی ریاست گجرات کے سیکنڈری ایجوکیشن بورڈ نے میٹرک کے امتحانات کے نتائج کا اعلان کر دیا، جس میں 157 سکولز کے تمام طلبہ میٹرک کے امتحانات میں فیل ہو گئے۔ بھارتی میڈیا کے مطابق بھارتی ریاست گجرات میں رواں سال 7 لاکھ 34 ہزار طلبہ نے امتحانات دئیے، جس میں 4 لاکھ 74 ہزار طلبہ کامیاب ہوئے۔ امتحانات میں 157 سکول ایسے تھے جن کا کوئی بھی طالبعلم کامیاب نہیں ہو سکا۔ گزشتہ سال گجرات میں میٹرک کے امتحانات میں 121 سکولوں کے تمام طلباء فیل ہوئے تھے۔