لاہور(نامہ نگار)پاکستان پیپلز پارٹی کے رہنما عابد حسین صدیقی نے کہا ہے کہ پاکستانی قوم ذوالفقار علی بھٹو شہید کی ہمیشہ مشکور رہے گی جو پاکستان میں ایٹمی ٹیکنالوجی کو لےکر آئے۔ آج ہم بھٹو شہید کی اس کاوش کی وجہ سے اللہ کے حکم سے خطے میں ایک اسلامی ایٹمی طاقت ہونے کا اعزاز حاصل کر چکے ہیں۔ بھٹو شہید کے وہ تاریخی الفاظ آج بھی تازہ ہیں جس میں انہوں نے کہا تھا کہ ہم گھاس کھا لیں گے،مگر ایٹمی طاقت ضرور بنیں گے۔