60 سالہ نامعلوم شخص کی نعش برآمد
لاہور(نامہ نگار) اچھرہ کے علاقے میں شمع سٹاپ کے قریب فٹ پاتھ سے 60 سالہ نامعلوم شخص کی نعش ملی ہے۔ اطلاع ملنے پر پولیس نے موقع پر پہنچ کر فرانزک ٹیم کی مدد سے شواہد اکٹھے کئے اور نعش قبضے میں لے کر پوسٹ مارٹم کیلئے مردہ خانے منتقل کر کے تفتیش شروع کردی ہے۔ پولیس کے مطابق اصل حقائق پوسٹ مارٹم رپورٹ اور شناخت کے بعد سامنے آجائیں گے، جس کی روشنی میں مزید کارروائی کی جائےگی۔
