لاہور+کاہنہ(نامہ نگار)کاہنہ کے علاقے میں پولیس مقابلے کے بعد ایک ڈاکو کوزخمی حالت میں گرفتار کر لیا گیا ہے جبکہ دو ڈاکو فرار ہو گئے ہیں۔پولیس کے مطابق ڈاکو گن پوائنٹ پر گجومتہ 5 نمبر سٹاپ کے قریب بابر نامی شہری کو یرغمال بنا کر لا رہے تھے۔ پولیس نے کاہنہ سٹاپ پر دوران سنیپ چیکنگ گاڑی کو مشکوک جان کر رکنے کا اشارہ کیاتو ڈاکوو¿ں نے گاڑی بھگا دی۔ تعاقب کرنے پر ڈاکوو¿ں نے پولیس ٹیم پر فائرنگ کی۔پولیس نے جوابی فائرنگ کی۔فائرنگ کے تبادلے میں ایک ڈاکو عابد جاوید کو زخمی حالت میں گرفتار کر لیا گیا جبکہ ساتھی فرار ہو گیا ہے۔ پولیس نے زخمی ڈاکوسے اسلحہ اور بغیر نمبر پلیٹ گاڑی برآمد کر کے ہسپتال منتقل کر دیا ہے فرار ہونے والے ڈاکوﺅں کے نام وریام اور نعیم شامل ہیں تینوں ملزم درجنوں وارداتوں میں ملوث ہیں۔بازیاب ہونے والے پاکپتن کے رہائشی شہری بابر نے بتایا کہ ڈاکوو¿ں نے گن پوائنٹ پر میری موٹر سائیکل چھینی اور مجھے یرغمال بنا لیا۔ایک ڈاکو میری موٹر سائیکل لے کر چلا گیا جبکہ ان دونوں ڈاکوو¿ں نے مجھے یرغمال بناکر گاڑی میں بٹھالیا۔پولیس کا کہنا ہے کہ ڈاکوو¿ں سابقہ ریکارڈ یافتہ ہیں۔ فرار ہونے والے ڈاکوو¿ں کی تلاش کے لئے سرچ آپریشن جاری ہے۔