لاہور قلندرز کا ٹیلنٹ ہنٹ پروگرام دوبارہ شروع کرنے کا اعلان
لاہور(سپورٹس رپورٹر)لاہور قلندرز کا ملک بھر میں ٹیلنٹ ہنٹ پروگرام دوبارہ شروع کرنے کا اعلان‘باصلاحیت کھلاڑیوں کی تلاش کے لیے الخدمت فاو¿نڈیشن کے ساتھ ایم او یو سائن ہوگیا۔چیف ایگزیکٹو آفیسر لاہور قلندرز عاطف رانا نے کہاکہ ملک بھر سے بہترین کھلاڑیوں کا انتخاب کیا جائے گا،۔الخدمت کے تعاون سے باصلاحیت کھلاڑیوں کو قلندرز ہائی پرفارمنس سینٹر میں بہترین تربیت دی جائے گی۔ انجینئر احمد حماد صدر الخدمت فاو¿نڈیشن پاکستان نے کہا کہ لاہور قلندرز کےساتھ شراکت داری پر فخر محسوس کرتے ہیں،الخدمت فاو¿نڈیشن پاکستان کے باصلاحیت نوجوان کھلاڑیوں کو سپانسر کرےگا۔ لاہور قلندرز ڈویلپمنٹ پروگرام کی تاریخوں کا اعلان جلد کردیا جائےگا۔
