اسلام آباد (نوائے وقت رپورٹ) شمالی وزیرستان میں دہشت گردوں اور سکیورٹی فورسز کے درمیان فائرنگ کے تبادلے میں دو دہشت گرد ہلاک ہوگئے۔ پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے ڈوسلی میں دہشت گردوں اور سکیورٹی فورسز کے درمیان فائرنگ کا تبادلہ ہوا۔ فائرنگ کے تبادلے میں دو دہشت گرد ہلاک ہوگئے۔آئی ایس پی آر کا کہنا ہے سکیورٹی فورسز نے دہشت گردوں کے ٹھکانے کا پتہ لگایا اور ان کے فرار ہونے کے تمام ممکنہ راستوں کو سیل کیا۔ ہلاک دہشت گردوں سے اسلحہ اور گولہ بارود بھی برآمد کرلیا گیا، دہشت گرد سکیورٹی فورسز کےخلاف کارروائیوں اور معصوم شہریوں کے قتل میں ملوث تھے۔