قومی ٹیم کا دورہ سری لنکا، صرف ٹیسٹ سیریز ہوگی
لاہور ( سپورٹس رپورٹر) پاکستان کرکٹ ٹیم کے دورہ سری لنکا میں ون ڈے میچز کو شامل کرنے کی تجویز کو حتمی شکل نہ دی جا سکی۔ذرائع کے مطابق سری لنکا کرکٹ نے ورلڈ کپ کے پیش نظر دورے میں ون ڈے میچز شامل کرنے کی تجویز دی تھی۔ذرائع کا کہنا ہے کہ پاکستان اور سری لنکا بورڈز کے درمیان اس معاملے پر ابتدائی بات چیت ہوئی تھی تاہم ناگزیر وجوہات کی بنیاد پر وائٹ بال سیریز کو حتمی شکل نہ دی جا سکی۔پاکستان اور سری لنکا کے درمیان اب سیریز صرف ٹیسٹ میچز پر ہی مشتمل رہے گی اور یہ 2ٹیسٹ میچز آئی سی سی ٹیسٹ چیمپئن شپ کا حصہ ہیں۔ ٹیسٹ سیریز جولائی میں ہوگی جس کے شیڈول کا سری لنکا کرکٹ جلد اعلان کریگا۔
