لاہور(نامہ نگار)پنجاب ایمرجنسی سروس نے گذ شتہ 24گھنٹوں کے دوران پنجاب بھر میں 1154ٹریفک حادثات پر ریسپانڈ کیا۔ جن میں 659افراد شدید زخمی ہوگئے جنہیں ہسپتالوں میں منتقل کیا گیا۔ ٹریفک حادثات میں 585 ڈرائیوز، کم عمر ڈرائیور44، مسافر471 اور 145پیدل چلنے والے افراد متاثر ہوئے۔ صوبائی دارالحکومت 297 متاثرین کےساتھ پہلے فیصل آباد 83 حادثات میں 101 متاثرین کےساتھ دوسرے گوجرانوالہ 74 حادثات میں 69متاثرین کےساتھ تیسرے نمبرپررہا۔ کل1191 متاثرین میں 954مرد اور247 خواتین شامل ہیں ۔جبکہ زخمیوں میں 208افراد کی اوسط عمر18سال سے کم اور624افراد کی اوسط عمر 18سے 40سال کے درمیان جبکہ369زخمی افراد کی اوسط عمر 40سال سے زائد ہے۔ بیشتر واقعات میں 1005موٹرسائیکلز،64آٹورکشے109کاریں، 24وین 14 مسافربسیں، 18 ٹرک اور77دوسری اقسام کی گاڑیاں شامل ہیں۔