قلعہ دیدار سنگھ،گوجرانوالہ (نمائندہ خصوصی) کھیلتے ہوئے بچے نے پستول سے دوستوں پر فائرنگ کردی۔ ایک بچہ جاں بحق‘ دوسرا تشویشناک حالت میں ہسپتال منتقل۔ تھانہ لدھیوالہ وڑائچ  کے علاقے پناکھہ کے رہائشی خالد گجر اپنا پسٹل چارپائی پر رکھ کر گھر چلا گیا اور اس کا بارہ سالہ بیٹا علی اپنے دوستوں کے ساتھ وہاں چور سپاہی کھیل رہا تھا جس نے اپنے باپ کا پسٹل پکڑ کر دوستوں پر فائرنگ کر دی جس سے 9 سالہ حسن علی موقع پر جاں بحق جبکہ آٹھ سالہ عمر شبیر شدید زخمی ہو گیا۔ پولیس نے نعش کو تحویل میں لیکر جبکہ زخمی بچے کو تشویشناک حالت میں ہسپتال منتقل کر دیا گیا۔