کیف (آئی این پی )یوکرین کے شہردنیپرو کے قریب دھماکے میں تین بچوں سمیت تیرہ افراد زخمی ہوگئے۔جبکہ دیگرافراد ملبے تلے دبے ہوئے ہیں۔ وسطی یوکرینی شہر دنیپرو کے قریب دھماکا دومنزلہ مکان میں ہوا۔ جس کے بعد ایمرجنسی سروسز سے امدادی کارروائیوں کا آغاز کردیا۔ میڈیا رپورٹس کے مطابق دھماکا روسی میزائل حملے کے باعث ہوا۔ صدر زیلنسکی کا کہنا ہے کہ روس نے ایک بارپھرثابت کردیا کہ وہ ایک دہشت گرد ریاست ہے۔ تاہم یوکرینی فوجی حکام کی جانب سے میزائل حملے کی تصدیق نہیں کی جاسکی ۔ دوسری جانب ماسکو نے شہری آبادی پرمیزائل حملے کی تردید کی ہے۔