لاہور(سپورٹس رپورٹر)پاکستان کرکٹ ٹیم کے فاسٹ بائولر نسیم شاہ نے کہا ہے کہ ورلڈ کپ کیلئے تیاریوں کا سلسلہ شروع کردیا ہے،ٹی ٹونٹی کرکٹ کا تجربہ بھی مفید ثابت ہوگا۔ پوری کوشش ہوتی ہے کہ اپنی پرفارمنس سے ٹیم کو میچ جتوائوں۔ ورک لوڈ مینجمنٹ کی وجہ سے پورے سیزن کیلئے کائونٹی کے ساتھ معاہدہ نہیں کیا۔ ٹیسٹ میچ میں ہیٹ ٹرک اور افغانستان کیخلاف دو چھکے لگا کر ٹیم کو میچ جتوانا اب تک کیریئر کے یادگار لمحات ہیں۔ ٹیم میں کسی فاسٹ بائولر کیساتھ مقابلہ نہیں، سب کے ساتھ بائولنگ کرنے میں مزہ آتا ہے، ٹیم کے ساتھی فاسٹ بائولرز کے تجربے اور سکلز سے بھی سیکھتا ہوں۔ لوگوں کو کرکٹرز کی شادیوں اور منگنیوں کی فکر کی بجائے کرکٹ پرفارمنس کی فکر ہونی چاہیے۔