شیخوپورہ؍ اوکاڑہ؍ فیصل آباد؍ قصور (نمائندہ نوائے وقت+ نامہ نگار خصوصی) 2 خواتین سمیت 4 افراد کی خودکشی تفصیل کے مطابق صور میں پرانی منڈی  کے رہائشی 24/25 سالہ علی حسین نے گھریلو ناچاقی پر گندم میں رکھنے والی زہریلی گولیاں کھا کر زندگی کا خاتمہ کر لیا۔ پولیس تھانہ سٹی مصروف تفتیش ہے۔ شیخوپورہ کالج روڈ میں ایک شادی شدہ خاتون خدیجہ بی بی نے گھریلو ناچاکی پر دلبرداشتہ ہوکر زہریلی گولیاں کھا کر خود کشی کر لی۔ متوفیاں عثمان اقبال کی اہلیہ بتائی گئی ہے تھانہ اے ڈویژن پولیس نے نعش قبضہ میں لیکر ضروری کارروائی کے بعد ورثاء کے حوالے کر دی ہے۔ اوکاڑہ میں نوجوان محمد سخی نے اپنے والد ساتھ تو تکرار پر انتہائی قدم اٹھایا، نوجوان نے گاؤں شام دین نہر کے قریب خود پر پٹرول چھڑک کر آگ لگا کر زندگی کا خاتمہ کر لیا۔ اطلاع پر  پولیس نے نعش کو تحویل لیکر پوسٹمارٹم کیلئے ہسپتال منتقل کر دیا۔ فیصل آباد تھانہ مرید والا کے علاقہ 196 گ ب کی رہائشی شبانہ بی بی زوجہ عمران نے مبینہ طور پر خراب گھریلو حالات اور جھگڑوں  سے دلبرداشتہ ہوکر زہریلی گولیاں نگل لیں۔ متوفیہ دو بچوں کی ماں تھی۔