لاہور(نامہ نگار)پاکستان پیپلز پارٹی لاہور ڈویژن کے صدر چودھری اسلم گل نے کہا ہے کہ جشن بینظیر جلسہ 20جون کی شام 7 بجے لبرٹی چوک میں ہو گا جسمیں شرکت کیلئے پارٹی کی مرکزی و صوبائی قیادت کو دعوت دیدی ہے۔ لاہور سے تمام طبقات، ڈسٹرکٹ و زونل تنظیمیں اور ٹکٹ ہولڈرز جلوسوں کیساتھ جلسے میں شریک ہونگے۔ وہ گزشتہ روز لبرٹی چوک میں رانا جمیل منج،اشرف خان،عمر شریف بخاری،امجد جٹ اور عامر نصیر بٹ کیساتھ پریس کانفرنس سے خطاب کر رہے تھے۔ اس موقع پر حسن گیلانی،فہیم ٹھاکر،ملک ندیم کامران اور عمر ایاز بھی موجود تھے۔ چودھری اسلم گل نے کہا کہ21جون کو لاہور سمیت پنجاب بھر سالگرہ کیک کاٹے جائیں گے۔ بینظیر صرف پاکستان کی نہیں پورے عالم اسلام کی لیڈر تھیں۔ بی بی شہید جرا¿ت کا مینار تھیں۔ ڈکٹیٹر کیخلاف ڈٹی رہیں۔ آصف زرداری نے 12 برس تک جیل کاٹی۔ پیپلز پارٹی کی لیڈر شپ اور کارکنان نے ہر دور میں مصیبتیں برداشت کیں۔ عمران کہتا تھا کہ مجھے گرفتار کیا تو ملک کو آگ لگا دو۔9مئی کا واقعہ 9/11سے کم نہیں جو پاکستان کی جڑیں ہلانے کی سازش تھی۔ پیپلز پارٹی لاہور کے صدر نے کہا کہ بلاول بھٹو اور آصف زرداری کی قیادت میں پیپلز پارٹی عوام کے حقوق کی جدوجہد کر رہی ہے۔