لاہور(نامہ نگار)لاہور پولیس کے مختلف ونگز کے1022افسران اور اہلکاروں کو اگلے عہدوں پر ترقی دےدی گئی۔سربراہ لاہور پولیس ایڈیشنل آئی جی بلال صدیق کمیانہ کی چیئرمین شپ میں منعقدہ بورڈ میں کیپٹن (ریٹائرڈ) ایس ایس پی(ایڈمن)مستنصر فیروز، ایس ایس پی(آپریشنز)صہیب اشرف، ایس ایس پی(انویسٹی گیشن)انوش مسعود چوہدری شامل تھے۔ 169اے ایس آئیز کی سب انسپکٹرز، 453ہیڈ کانسٹیبلز کی اے ایس آئی اور400 کانسٹیبلز کو ہیڈ کانسٹیبلز کے عہدوں پر ترقی کی منظوری دےدی گئی ہے۔ایس ایس پی (ایڈمن) مستنصر فیروز نے کہا محکمہ پولیس کے افسران واہلکاروں کی بروقت ترقی کو یقینی بنایا جا رہا ہے۔ ترقی پانے والے پولیس آفیشلز قابلیت، پیشہ ورانہ مہارت اور خدمت خلق کو اپنا شعار بنائیں۔