فیروزوالہ( نامہ نگار) جی ٹی روڈ پر ٹریفک کے مختلف حادثات میں خاتون سمیت دو افراد جان بحق ہوگئے، مریدکے ریلوے پھاٹک نارووال لاہور سے راولپنڈی جانے والی ٹرین کی زد میں آکر نامعلوم خاتون جان بحق ہوگئی۔ پولیس نے متوفیہ کی نعش ضروری کارروائی کیلئے ہسپتال بھجوا دی جس کی تاحال شناخت نہیں ہوسکی ۔ تھانہ سٹی اے ڈویژن کے علاقہ بھکھی روڈ پر ایک شادی ہال کے عقب سے نوجوان کی نعش برآمد ہوئی ہے۔پولیس کے مطابق متوفی کی شناخت نہ ہو سکی۔ لاہور سے شیخوپورہ جانے والی ٹرین کی زد میں آکر ایک خاتون نازیہ بی بی شدید زخمی ہوگئی۔