شکارپور(این این آئی)شکار پور پولیس نے کچے کے علاقے میں کامیاب آپریشن کے بعد چار مغوی بازیاب کروا لیے ہیں۔ناپر کوٹ تھانہ کے کچے کے علاقے میں پولیس نے مغویوں کی اطلاع کے بعد آپریشن شروع کیا۔ ڈاکوﺅں سے مقابلے کے بعد پولیس نے چار مغویوں کو بازیاب کروا لیا۔بازیاب کرائے گئے چار افراد میں سے دو سکھر الیکٹرک پاور کمپنی (سیپکو)کے ملازمین ہیں جنھیں کرمپور گریڈ اسٹیشن سے اغوا کیا گیا تھا۔ بازیابی کے لئے سیپکو ملازمین کی جانب سے احتجاج بھی کیا جارہا تھا۔اس کے علاوہ کرمپور سے بازیاب دوسرے دو افراد سگے بھائی ہیں۔ ایس ایس پی شکارپور امجد احمد شیخ کے مطابق ملزمان مغویوں کو ایک جگہ سے دوسری جگہ منتقل کررہے تھے پولیس نے مقابلے کے بعد متاثرہ افراد کو بازیاب کرا لیا۔
شکار پور پولیس آپریشن