جڑانوالہ (نمائندہ نوائے وقت) نواحی گائوں میں دیرینہ دشمنی پر مخالفین کی فائرنگ سے باپ بیٹا قتل، ملزم فرار ہوگئے۔ بتایا جاتا ہے تھانہ روڈالہ کے گاؤں 357 گ ب میں دیرینہ دشمنی پر مخالفین کی فائرنگ سے باپ ریاض، بیٹا فرحان جاں بحق ہو گئے۔ مقتول مخالفین شعبان وغیرہ کا زمین کا تنازعہ چلا آرہا ھے۔ گزشتہ روز باپ بیٹا زمین پر پانی لگا رہے تھے مخالفین نے فائرنگ کر دی۔ دونوں موقع پر دم توڑ گئے۔ پولیس نے نعشیں پوسٹمارٹم کیلئے ٹی ایچ کیو ہسپتال جڑانوالہ منتقل کر دیں۔