وزیر آباد (نامہ نگار) 6 سالہ کمسن بچہ دھوپ میں کھڑی گاڑی میں گرمی، حبس سے تڑپ تڑپ کر جاں بحق ہو گیا۔ وزیر آباد کے محلہ تھٹھی آرائیاں کے رہائشی کاشف کا 6 سالہ معصوم بیٹا سبحان کھیلتے ہوئے کھلے پلاٹ کی پارکنگ میں دھوپ میں کھڑی یعقوب سلہریا کی کلٹس گاڑی کا کھلا دروازہ پا کر اندر چلا گیا اور اندر سے دروازہ لاک ہو گیا جس کی وجہ سے وہ واپس باہر نہ نکل سکا۔ گاڑی میں درجہ حرارت بڑھ گیا اور حبس کی وجہ سے بچہ دم گھٹنے سے جان کی بازی ہار گیا۔