لاہور(کلچرل رپورٹر)لاہور آرٹس کونسل کے زیر اہتمام بچوں کیلئے ڈرائنگ سمر کیمپ کاانعقاد کیا جائیگا۔سمرکیمپ میں شرکت کیلئے رجسٹریشن کے عمل کا آغاز کر دیا گیا۔7تا 15برس کے بچے الحمراءڈرائنگ سمر کیمپ میں شرکت کیلئے 23جون2023تک اپنے نام کی رجسٹریشن کروا سکتے ہیں۔ کیمپ کا آغاز 4جولائی سے ہو گا ۔جو 3اگست تک جاری رہے گا۔ سمر کیمپ میں بچوں کو تجربہ کار اساتذہ تربیت فراہم کریں گے۔ ڈرائنگ سمر کیمپ میں 2450روپے رجسٹریشن فیس ہوگی۔ ایگزیکٹو ڈائریکٹر لاہور آرٹس کونسل الحمراءمحمد سلیم ساگر نے اس حوالے سے اپنے تاثرات میں کہا کہ الحمراءبچوں کو گرمیوں کے چھٹیوں میں ڈرائنگ سیکھنے کا سنہری موقع فراہم کر رہا ہے۔