لاہور(سپورٹس رپورٹر) ایشین کرکٹ کونسل نے ایشیا کپ 2023 ءکے شیڈول کا اعلان کردیا۔ایشین کرکٹ کونسل کے مطابق ایشیا کپ 31 اگست سے 17 ستمبر تک کھیلا جائےگا جس میں پاکستان سمیت بھارت، سری لنکا، بنگلہ دیش، افغانستان اور نیپال کی ٹیمیں حصہ لیں گی۔ٹورنامنٹ ہائبرڈ ماڈل کے تحت کھیلاجائےگا جس میں ایونٹ کے چار میچز پاکستان اور 9 میچز سری لنکا میں ہوں گے۔ایشیا کپ 2023ءکے حوالے سے بھارت کی میں نہ مانوں کی رٹ برقرار ہے۔ بھارت کا مو¿قف ہے کہ بھارتی ٹیم ایشیا کپ کھیلنے نہ پاکستان آئے گی نہ امارات میں ایشیا کپ کھیلے گی۔ایشیا کپ 2023 ءکےلئے پاکستان کی جانب سے ہائبرڈ ماڈل پیش کیا گیا ہے جس کے اب قبول ہونے کے قوی امکانات ہیں۔بھارتی میڈیا کے مطابق بی سی سی آئی کے صدر جے شاہ کی سربراہی میں ایشین کرکٹ کونسل کی جانب سے پاکستان کرکٹ بورڈ کے چیئرمین نجم سیٹھی کے تجویز کردہ 'ہائبرڈ ماڈل' کو تسلیم کرنے کے امکانات ہیں۔ہائبرڈ ماڈل کے تحت ایشیا کپ کے ابتدائی میچ کی میزبانی پاکستان کرےگا جبکہ بقیہ میچز سری لنکا میں کرائے جائیں گے۔پاکستان ایشیاکپ کے 4 میچز کی میزبانی لاہور کے تاریخی قذافی سٹیڈیم میں کرےگا ، بقیہ 9 میچز سری لنکا میں کھیلے جائیں گے تاہم اگر ایشیا کپ کے فائنل میں بھارتی ٹیم آتی ہے تو فائنل بھی سری لنکا میں کھیلا جائےگا۔