سپیکر قومی اسمبلی کی گاڑی کو حادثہ پرویز اشرف اور عملہ محفوظ رہے
اسلام آباد(نا مہ نگار)سپیکر قومی اسمبلی راجہ پرویز اشرف کی گاڑی کو حادثہ پیش آیا ،قومی اسمبلی سیکرٹریٹ کے مطابق حادثہ مندرہ چکوال روڈ پر اسلام آباد واپسی پر پیش آیا۔سپیکر قومی اسمبلی کی گاڑی کے سامنے اچانک گائے آ گئی، گائے کو بچاتے ہوئے سپیکر کی گاڑی اور اسکواڈ کی گاڑیاں آپس میں ٹکرا گئیں۔ذرائع کا بتانا ہے کہ سپیکر راجہ پرویز اشرف اور عملہ حادثے میں محفوظ رہے۔
