لاہور(سپورٹس رپورٹر)پاکستان فٹبال ٹیم کوبھارت میں ساف چیمپئن شپ میں شرکت کیلئے وزارت خارجہ اور وزارت داخلہ سے کلیئرنس مل گئی۔ساف فٹبال چیمپئن شپ 21 جون سے 4 جولائی تک بھارت کے شہر بنگلورو میں ہو گی۔وزات خارجہ نے 2 جون کو جبکہ وزارت داخلہ نے 15 جون کو خط جاری کیا جس کے بعد باضابطہ این او سی بین الصوبائی رابطے کی وزارت، پاکستان سپورٹس بورڈ سے جاری کریگی۔ پاکستان نے دو روز قبل ماریشیش میں بھارتی ایمبیسی میں ویزوں کیلئے اپلائی کر دیا تھا جہاں قومی ٹیم چار ملکی ٹورنامنٹ کیلئے موجود ہے۔بھارتی حکام کو جہاں تمام دستاویزات مہیا کر دی گئی ہیں جن میں انڈین حکومت کی کلیئرنس بھی شامل ہے۔