لاہور(سپورٹس رپورٹر)جنوبی افریقہ کی خواتین کرکٹ ٹیم اس سال اگست ستمبر میں پہلی مرتبہ پاکستان کا دورہ کریگی۔ جنوبی افریقی ٹیم کے اس دورے سے پاکستانی خواتین کرکٹ ٹیم کے 24-2023 ء سیزن کا باقاعدہ آغاز ہوگا۔جنوبی افریقہ کی خواتین ٹیم تین ٹی ٹونٹی اور آئی سی سی ویمنز چیمپئن شپ25-2023 ء کے سلسلے کے تین ون ڈے میچز کھیلے گی۔کراچی میں  میچز یکم سے 14 ستمبر تک ہونگے۔پاکستان اس وقت تین سیریز میں 9 ون ڈے  میچز کھیل کر 5 فتوحات کیساتھ پوائنٹس ٹیبل پر دوسرے نمبر پر ہے جبکہ جنوبی افریقہ نے تین ون ڈے میچوں کی ایک سیریز کھیلی ہے اور اس کے 6 پوائنٹس ہیں۔