لاہور (نامہ نگار) فیکٹری ایریا میں ڈولفن اہلکار سخاوت پراسرار طور پر گھر میں مردہ حالت میں پایا گیاہے۔ تفصیلات کے مطابق فیکٹری ایریا میں غازی روڈ پر ڈولفن فورس کا اہلکار سخاوت اپنی دوسری بیوی کیساتھ رہائش پذیر تھا۔ گزشتہ روز اہلکار سخاوت پراسرار طور پر گھر میں مردہ حالت میں پایا گیا ہے۔ اطلاع ملنے پر پولیس نے موقع پر پہنچ کر فرانزک ٹیم کی مدد سے شواہد اکٹھے کئے، ابتدائی معلومات کے مطابق اہلکار کا اپنی بیوی کیساتھ جھگڑا ہوا تھا، واقعہ کا مقدمہ مقتول کے بھائی کی مدعیت میں اس کی بیوی اور نامعلوم افراد کے خلاف تھانہ فیکٹری ایریا میں درج کر لیا گیا ہے۔