لاہور(سپورٹس رپورٹر)ایمرجنگ ویمنز ایشیا کپ ٹی ٹونٹی ٹورنامنٹ میں پاکستان ایمرجنگ اور بھارت اے کے درمیان میچ بارش کی نذر ہوگیا۔ دونوں ٹیموں نے چار چار پوائنٹس کیساتھ سیمی فائنل میں جگہ بنالی۔پہلا سیمی فائنل کل بھارت اور سری لنکا کے درمیان کھیلا جائیگا جبکہ دوسرے سیمی فائنل میں کل پاکستان ایمرجنگ کا مقابلہ بنگلہ دیش سے ہوگا۔ دوسرا سیمی فائنل پاکستانی وقت کے مطابق صبح ساڑھے دس بجے کھیلا جائیگا۔بارش اور خراب موسم کو مدنظر رکھتے ہوئے منتظمین نے سیمی فائنلز میں ریزرو ڈے رکھ دیا ہے۔ میچ نہ ہونے پر منگل کوکھیلے جائیں گے۔فائنل بدھ اکیس جون کو کھیلا جائیگا۔